Profilo partenopeo

[Sergio]

Questi napoletani......
Per fantasia e creatività è un polpolo che non ha eguali


Pare cient’anne fa: sabbato assera
contr’o Palermo ‘o Napule ha abbuscato.
Chi l’ha vista, ‘a partita d’o Barbera
primma s’è illuso, e doppo s’è ‘ncazzato.

Ma ‘a morte ‘e nu guaglione, e Roma a fuoco
fanno sparì l’errore ‘e Cannavaro.
Ncopp’a tre campi s’è sospeso ‘o gioco,
e dint’a bocca è nu sapore amaro.

Na jurnat’e tragedia, ‘e pazzaria.
In tutt’Italia fuje nu quarantotto.
Ma chi l’ha scatenata, sta follia?
Nu teppista? Gnernò: nu poliziotto,

c’a sparato a doje mane a nu ragazzo
ca se trovava annanze  a nu motel
‘a via ‘e Milano, addò jucava ‘a Lazio.
Accussì è accummenciato, stu burdell.

Pe’ l’ultrà è l’occasiona della vita:
armato, scenne in piazza, e sfida ‘o Stato.
A Bergamo, pe fa fermà ‘a partita,
e  a Roma, ma pecchè nun s’è giucato.

Nu muorto acciso, la guerriglia urbana:
però sabbato c’è la nazionale,
e ampresso ampresso, int’a na settimana
tutto ritorna ‘o stesso: tale e quale